Macedonia Manufacturing Expo во Скопје на 25 и 26 септември
Објавено во: Мои пари 04 Јули, 2019
Минатата недела претседателот Стево Пендаровски беше во дводневна државна посета на Германија и беше примен од страна на сојузниот претседател, Франк-Валтер Штајнмаер. Иако земјата по компромисот со Грција, донесе одлука да се преименува во Северна Македонија, што остави емотивен траг, сепак Европската унија не го одржа своето ветување да се започне со пристапните преговори во јуни, туку тие се одложија за октомври иако Северна Македонија заслужува порано да отпочнат преговорите.
Би сакал накратко да Ве информирам и за претстојниот настан Macedonia Manufacturing Expo, кој ќе се одржи во Скопје на 25 и 26 септември 2019. Овој дводневен настан, кој е наменет за компании од металопреработувачката и електронската индустрија, го организираме заедно со Македонската асоцијација на металопреработувачка и електронска индустрија. Во склоп на настанот ќе се одржи стручна конференција, како и панели, B2B разговори и саем. Целта на овој настан е да се спојат германски компании со компании добавувачи од Западен Балкан, а исто така и да се промовираат компаниите од регионот како конкурентни производни компании кои може да работат како добавувачи за германски и други интернационални компании. Доколку сакате да сте изложувач на овој настан, пријавете го Вашето учество најдоцна до 24.08.2019 на следниов мејл: stankov@nordmazedonien.ahk.de
Јуни беше исклучително важен месец за дуалното стручно образование во Северна Македонија. Околу 90 млади луѓе се запишаа на еден од двата дуални образовни профили, индустриска мехатроника и производно машинство. Тие се одлучија за кариера со голема перспектива во областа на техничките науки. Овие бројки се три пати повисоки во однос на минатата година. Особено ме радува фактот што нашите училишта-партнери од Охрид, Кавадарци, Велес, Битола и Прилеп оваа година забележаа зголемен број на запишани ученици и во своите региони котираат подобро дури и од популарните гимназии.
Осигурување на квалитетот на дуалното образование според германски стандарди е важна задача на Делегацијата на германското стопанство во Северна Македонија. Од таа причина, на компаниите Дрекселмајер, Костал, ЛТХ Леарница и ОДВ Електрик, за нивната пионерска работа во делот на дуалното образование, Делегацијата им додели посебни признаници за исполнување на германските стандарди.
Центарот за обука “Meister“, нашиот партнер во Косово, свечено ги отвори новите простории кои се опремени со модерни машини и алати. Тимот за дуално стручно образование и јас доделивме AHK-сертификати на првата генерација учесници, кои успешно ја завршија шестмесечната обука за мехатроничари за лифтови.
Патрик Мартенс
Директор на Делегацијата на германското стопанство во Северна Македонија
Можеби ќе ве интересира
Промоција на „Шарени ириси“ – новата хибридна инклузивна сликовница во издание на „Арс Ламина“
ЖИМ Коскоска се врати на тронот, ИМ Тони Лазов првпат до титулата
РЕС е најголем снабдувач со струја на слободниот пазар, објави Регулаторната комисија за енергетика
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
