Робертсон вели дека ваква шанса Македонија нема да има во следните 30 или 40 години

Добивај вести на Viber

Поранешниот генерален секретар на НАТО, Џорџ Робертсон во своето обраќање во Атланскиот совет на панел дискусијата посветена на нашата земја, изјави дека дојде мигот кога сите во Македонија треба да гледаат кон иднината и да го одбранат националниот интерес на земјата.

Референдумот беше организиран да го избрише зборот „Фиром“ од мапата на светот, бидејќи означува целосно минимизирање на македонскиот идентитет.

Тој смета дека ова е генерациска прилика за Македонија, која тешко дека ќе се повтори во следните 30 - 40 години.

„Совпаѓањето на премиерите Алексис Ципрас и Зоран Заев, двајцата да најдат заеднички јазик е како ретко порамнување на ѕвездите. Такво нешто нема да се повтори во следните 30 или 40 години“, укажа Лорд Роберстон. 

Додаде дека опозиционерите на Договорот од обете страни, од Грција и Македонија, треба да бидат прашани каква е алтернативата.

На панелот било разговарано и за руското влијание на кампањата за референдумот, преку подмитување на црковни лица, воени официјални лица и други националистички здруженија да организираат протести со цел спречување на влезот на Македонија во НАТО.