РИЈАД ЌЕ ЈА НАМАЛУВА ЗАВИСНОСТА ОД НАФТА: Каде Саудијците вложуваат 472 милијарди долари?
Објавено во: Економија 31 Јануари, 2019
Саудиска Арабија, економски најсилната земја во арапскиот свет, соопшти дека покренува амбициозен програм од околу 427 милијарди долари инвестиции во секторите на индустријата и инфраструктурата со цел да ја намали зависноста од нафта.
Властите најавиле дека потпишале 37 договори во вкупна вредност од 55 милијарди долари со странски и локални инвеститори.
Програмот, најавен на церемонија во Ријад во присуство на принцот престолонаследник Мухамед бин Салман, е дел од економскиот план „Визија 2030“ наменет за диверзификација на економијата во Саудиска Арабија која често зависи од варирање на цените на нафтата на пазарот.
Саудиските власти претходно најавија огромни проекти вредни неколку стотици милијарди долари, но некои проекти уште не почнале да се остваруваат.
Меѓу нив е најавена делумна приватизација на нафтениот гигант „Арамко“ која неколкупати е одложувана.
Саудискиот министер за енергетика Халид ал Фалих изјавил дека инвестициите ќе бидат спроведени во рамки на националната програма за развој во областа на индустријата, рударството, енергетика и логистика.
Izvor: Bandar Algaloud/Courtesy of Saudi Royal Court/Handout via REUTERS