Рекордно ниски температури во најтоплата земја во светот
Објавено во: Свет 05 Февруари, 2017
Катар се смета за една од најтоплите земји во светот.
Денешниот ден ќе остане во историјата на Катар како најстуден. Утрово температурите паднаа до 1,5 степени Целзиусови, јавуваат локалните медиуми.
Досега такви температури во Катар немало. Рекордот за најниска температура во емиратот беше 3,8 степени во 1964 година.
Во моментов таму температурата е околу 17 степени, а во текот на летото живата достигнува до цели 50 степени Целзиусови.
Влажноста на воздухот е доста висока - околу 90%, што ги прави горештините уште понеподносливи.
Жештината предизвика и жестока дебата за одлуката Катар да биде домаќин на Светското фудбалско првенство во 2022 година.
И многу други топли земји периодов имаа снег по долги години.