Рекорден број Бугари и Романци во Велика Британија
Објавено во: Свет 25 Август, 2016
Mиграцијата во Велика Британија останува на рекордно високо ниво од 327.000 луѓе годишно, соопшти Државниот завод за статистика на Велика Британија.
Поставен е рекорд по бројот на пристигнатите граѓани од Бугарија и Романија, вкупно 61.000 од март лани до март оваа година.
Во исто време миграцијата од Полска и од уште седум источноевропски земји е намалена од 51.000 на 40.000 луѓе.
Поранешниот премиер на земјата, Дејвид Камерон инсистираше за построга контрола врз миграцијата од ЕУ и рече дека е неприфатлив фактот дека миграцијата надминува 300.000 луѓе годишно.
За истото се залага сега и Тереза Меј, кој го наследи на функцијата премиер. Ниско квалификуваните мигранти од ЕУ ќе треба да аплицираат за дозволи за работа во Велика Британија, откако таа ја напушти ЕУ.
На овој начин ќе може да се контролира бројот на мигрантите и поминатото време во Велика Британија.