Речиси 600 мигранти се обиделе да минат низ тунелот под Ла Манш
Објавено во: Свет 04 Август, 2015
Речиси 600 мигранти направиле обид да поминат низ тунелот под Ла Манш во текот на изминатата ноќ.
Редовни „напади“ доаѓаат откако британските власти презедоа дополнителни мерки за спречување на миграцискиот поток. Франција инсистира на повеќе акција од британска страна.
Велика Британија треба да вложи повеќе напори од досегашните за мастеринг на кризата со мигрантите. Тоа го изјавил за весникот „Ла Кроа“ францускиот министер за внатрешни работи Бернар Казнаов. Тој соопштил дека инсистирал за тоа пред својот британски колега Тереза Меј, со која во неделата објавија заедничка декларација како „апсолутен приоритет“ за справувањето со миграцискиот поток.
Министерот ја поздрави одлуката на британската влада да ги зголеми средствата за безбедноста во зоната околу Евротунелот. Од понеделник таму се испратени дополнителни 100 полицајци. Британските гранични служби ќе бидат распоредени заедно со француската полиција, која минатата недела исто го засили присуството за возврат.
Министерот Казнаов ја засегнал и темата за ревизија на договорот од Туке за француско-британската граница, што според него придава „поголема тежина на Франција“.
Додека властите ги затегнуваат мерките, француските правобранителски здруженија инсистираат за отворање на тунелот за мигрантите, за да има рамнотежа во контролата на кризата.