РАЗДВИЖЕНО ВО УЈП: Фирмите трчаат по уверенија за да аплицираат за кредити
Објавено во: Економија, Корона Вирус 26 Март, 2020
Кредитите од Развојна банка создадоа метеж пред канцелариите на Управата за јавни приходи, по што оваа институција одлучи да го продолжи работното време.
Развојната банка вчера најави бескаматни кредити за мали и средни претпријатија. Денес фирмите почнаа да вадат уверенија кои им се потребни за да ги добијат кредитите.
Од УЈП најавија дека ќе го продолжат работното време за прием на странки во регионалните дирекции, одделенија, шалтери и ќе работат од 8 до 14 часот.
Од УЈП треба да се добие уверение за платени даноци и придонеси.Фирмите до 10 вработени може да земат бескаматен кредит од 3 до 5 илјади евра, оние со 10 до 50 вработени – 10 до 15 илјади евра, а компаниите со 50 до 250 вработени – 15 до 30 илјади евра.
Поддршката е за секторите угостителство, туризам и товарен транспорт.
Вака одлука донесе Владата.
Кредитот ќе се отплаќа две години со грејс период од шест месеци.