Ракот го уби големиот писател и филозоф Умберто Еко
Објавено во: Свет 20 Февруари, 2016
Италијанскиот писател и филозоф Умберто Еко почина на 84 годишна возраст, по битка со ракот, објави БиБиСи.
Умберто Еко е италијански писател, филозоф-семиотик и медиевист, најдобро познат по своите романи и есеи. Роден е на 5 јануари 1932 година во Алесандро во италијанската провинција Пиемонт.
Познати негови дела се: „Името на розата“, “Нишалото на Фуко“, “Островот на претходниот ден“, “Баудолино“.
Еко починал дома доцна во петокот, соопштија од семејството на 84-годишниот интелектуалец пред италијанските медиуми.
Умберто Еко беше доктор на науки на над 30 универзитети во светот, почесен претседател на Меѓународниот центар за семиотика и когнитивни науки на Универзитетот во Сан Марино и член на Меѓународниот форум на УНЕСКО.
Еко е женет од 1962 година за германската уметничка Ренате Еко, со која имаат син и ќерка. Во последните години на својот живот го поминувал своето време во стан во Милано и вила крај Римини.