ПУТИН ОДЛУЧИ: Од денеска оваа негова наредба стапува на сила
Објавено во: Свет 27 Февруари, 2018
Рускиот претседател Владимир Путин нареди хуманитарна пауза во борбите во енклавата Источна Гута во Сирија, пет часа дневно, oбјави Раша тудеј.
Паузите ќе почнат од денеска, а ќе се состојат од создавање на „хуманитарен коридор“ за да им се овозможи на цивилите да избегаат.
„Како што нареди рускиот претседател, почнувајќи од 27 февруари ќе биде воведена дневна хуманитарна пауза од 9 до 14 часот по локално време, за да се избегнат цивилни жртви во Источна Гута“- велат од руското Министерство за одбрана во соопштението.
Наскоро ќе бидат објавени повеќе детали за коридорот, а дека неговите координати се подготвуваат.
Оваа бунтовничка област повеќе од една недела е интензивно бомбардирана од сириската влада, со поддршка од Русија, вели Би-би-си.
Настрадаа 540 луѓе. Во неделата најмалку 20 цивили загинаа во владини воздушни и артилериски напади, според Унијата за медицинска нега и организации за помош (УОССМ), добротворна организација што ги раководи болниците во енклавата. Жртви беа пријавени и по она за што опозицискиот весник Енаб Балади извести дека е копнена офанзива од страна на провладините сили. Советот за безбедност на Обединетите нации во саботата едногласно повика на 30-дневен прекин на огнот.
Во резолуцијата се бараше „сите страни без одлагање да ги прекинат борбите“ за да дозволат достава на помош и медицински евакуации.
Русија беше обвинета дека неколку дена го одложува гласањето во ОН, барајќи да се направат промени во нацртот.
Генералниот секретар на ОН, Антонио Гутерес ја опиша ситуацијата како „пекол на Земјата“ и побара итна акција.