Прв случај на зараза со опасниот Западнонилски вирус во Грција
Објавено во: Балкан 19 Јули, 2017
Во Грција е регистриран првиот случај на заразено лице со опасниот западнонилски вирус кој има изразени тешки симптоми и може да биде смртоносен. Потврдата стигна и од Грчкиот центар за контрола и превенција на болести (КЕЕЛПНО).
Лицето кое го има вирусот, живее во земјоделска област во Арголида, на Пелопонез. КЕЕЛПНО соопшти дека не е можно да се предвиди каде може да се појави вирусот.
Во Грција оваа болест првпат се појави во 2010 година, кога заболеа 262 лица, од кои 35 починаа. На жителите на Грција како и на туристите им се препорачува да преземат мерки за заштита од комарци со цел да не се прошири заразата.