(ВИДЕО)Пратеник на ВМРО-ДПМНЕ му упадна на прес конференцијата на Заев во Штип
Објавено во: Македонија 05 Декември, 2020
Иван Јорданов, пратеник на ВМРО-ДПМНЕ од Штип, денеска упадна на настан во овој град, на кој присуствуваше премиерот Зоран Заев, кој по обраќањето повика новинарите да поставуваат прашања. Иако му рече дека прашањата се за медиумите, Заев му дозволи на Јорданов да ги постави прашањата. Видето од настапот на Јорданов на фејсбук ги објави лидерот на ВМРО-ДПМНЕ Христијан Мицкоски. Претходно на обраќањето сите камери беа кон Заев па ЈОрданов не се виде.
Заев сепак одлучи да го послуша и му одговараше на прашањата. Јорданов беше исвиркан од насобраните штипјани кои дојдоа да го слушаат заев кој пак таму беше во поддршка на кандидатот на СДСМ за градоначалник на овој град.
„Прво,
со кој образ ветувате дека за 9 месеци ќе ги реализирате проектите што три и
пол години не ги реализиравте? Второ, дали знаете дека во компанијата
‘Баргала’, која е во роднинска врска со вашиот кандидат, пред десетина дена има
исплатено плата од две илјади денари на вработените? И последно прашање, кој ви
дал право да преговарате во име на македонскиот народ, да го продавате
македонскиот јазик, македонската култура и македонскиот идентитет“, рече Јорданов.
Заев одговори.
„Кандидатот нема да има време да ги заврши сите проекти, но може да ги почне, зашто Николов е најсериозен кандидат за редовните избори за Штип на кои ќе добие мандат од четири години. Македонскиот народ и макеоднскиот јазик, никогаш не бил поарфирмиран од денес. Денеска нние сме Македонци кои говорат македонски јазик. Не сме веќе ФИРОМ. Денеска сме држава. Затоа ви препорачувам на најубав демократски начин да им служиме на граѓаните и да учествуваме, да не бегаме, рече Заев.