ПОЗНАТО КОЈ БИЛ ПОСРЕДНИКОТ ЗА ФАЛСИФИКАТ ПАСОШИТЕ - Со меѓународна потерница се бара 39 годишниот Раиф Мифтари
Објавено во: Македонија 10 Април, 2021
Познато е името на бегалецот кој е осомничен дека изработувал лажни пасоши за познати меѓународни криминалци.
Станува збор за Раиф Мифтари, кој има 39 години.
Неговото име се најде на сајтот на Министерството за внатрешни работи, каде што се објавуваат лицата по кои има потрага, односно е објавена меѓународната потерница.
Како што е познато, Раиф Мифтари од Скопје е осомничен дека е дел од групата која изработувала македонски пасоши за странски криминалци.
Пред неколку дена беа уапсени деветмина полициски службеници, вработени во пасошкото одделение на МВР, кои продавале патни исправи со туѓ идентитет исклучиво на странски државјани и на криминалци барани со меѓународна потерница.
Полицијата тогаш соопшти дека еден од осомничените избегал, а тој всушност бил посредник. Во отсуство му беше одредена мерка притвор.
„Мифтари Раиф, од татко Емин и мајка Радифе, роден 14.11.1981 година во Скопје, каде и живее на улица Клинска Леса. Се бара со наредба број 5 КО.БР.1126/21 од 09.04.2021 година од ОЈО Скопје, за основано сомнение дека сторил кривично дело по член 353 од КЗ на РСМ“, пишува во потерницата на МВР.