Полиција ги изнесува демонстрантите од РТС, власта им се закани дека ќе одговараат

Добивај вести на Viber

Во зградата на РТС влегоа и полицајци и жандармеријата на МУП на Стрбија. По преговорите сапецијалците почнале да ги изнесуваат демонстрантите од зградата, јавува N1.

Министерот за полиција на Србија, Небојша Стефановиќ, на вонредна прес конференција порача дека државата ќе мора да одговори на вечерашните настани. Тој ги повика демонстрантите да ја напуштат зградата и најави дека кривично ќе одговараат сите што влегле во националниот сервис.

„Се случи насилство во тежок облик. Демонстрантите го демолираа влезот во зградата, една група влезе внатре и им се закануваше на новинарите. За жал ова прерасна во облик кој не смееше да го земе.  Секој протест е дозволен, но не со закани, насилство, застрашување и напади врз новинари. Тоа не смее да се дозволи во нашата земја“ – рече министерот. 

Инаку, лидерот на „Двери“, Бошко Обрадовиќ и демонстрантите од протестот „1 од 5 милиони“ вечерва упаднаа во зградата на РТС со барање да гостуваат во вечерните вести. Тие апелираа на ослободување на телевизијата од партиски влијанија. 

Анти-владините протести "1 од 5 милиони" се одржуваат во Белград секоја сабота од 8 декември 2018 година, а во меѓувреме се шират во неколку градови во Србија.

фото Kurir