Пола Грција е во темно црвено на епидемиолошката мапа
Објавено во: Балкан, Корона Вирус 10 Ноември, 2021
Се влошува епидемиолошката состојба во Грција. Скоро пола држава е во темно црвена боја на епидемиолошката мапа.
Темно црвена е речиси цела северна Грција, но и делови од Пелопонез, додека пак во првата, зелена зона се поголемиот дел од грчките острови.
Уште пет грчки региони од денеска се во темно црвена боја, односно во петтата категорија на епидемиолошката мапа на Грција, јави дописничката на МИА од Атина.
Грција има речиси секојдневно зголемување на новите случаи на коронавирусот, а вчера се регистрирани 8.613 новозаразени што беше и нов негативен рекорд од почетокот на пандемијата.