Добивај вести на Viber
Мајката што уби осум деца во Австралија, од кои седум нејзини, денес се соочи со обвинение против неа.
Полицијата соопштила дека жената, чиј идентитет се уште не се открива, по нејзиното сослушување во болница во Кернс, во која се опоравува од убодните рани, била обвинета за убиство на четири девојчиња и четири момчиња, пренесува агенцијата „Ројтерс“.
Детективот Бруно Асникар изјавил дека петмината татковци на убиените деца се информирани за трагичниот настан.
Полицијата зела изјави од повеќе од 100 сведоци а на телата на жртвите била извршена и аутопсија.
Грозоморното убиство ја шокираше целата нација која се уште се немаше опоравено од шокот по заложничката драма во една кафетерија во Сиднеј во која загинаа двајца заложници.