Добивај вести на Viber
На јавниот оглас, кој го распиша Град Cкопје, за изградба на подземната сообраќајница од Комплексот банки, покрај Кејот, до мостот Гоце Делчев, се пријавиле четири фирми, домашни и странски, информираа од Градот.
Најниска понуда дал македонско-италијански конзорциум, кој се нафаќа да ја гради сообраќајницата за 57 милиони евра. Веднаш зад него е понудата на украинска фирма од 61 милиони евра, додека македонските фирми „Бетон"" доставиле заедничка понуда од 76 милиони евра. Највисока е понудата од португалско-бугарски конзорциум, кој подземната сообраќајница би ја изградил за 92 милиона евра.
Според проектот, подземната сообраќајница ќе биде во должина од 1.150 метри и профил од 21 метар. Предвидено е да биде опремена со систем за детекција на инциденти, систем за детекција на пожар, систем за видеонадзор, комуникациски систем за корисниците и итните служби, СОС станици, систем за вентилација, знаци со променлива содржина и бариери, а ќе биде управуван од контролен центар.