Под кои услови Мицкоски ќе прифати лидерска со Заев?
Објавено во: Македонија 19 Јануари, 2020
Претседателот на ВМРО-ДПМНЕ, Христијан Мицкоски денеска во Охрид, изјави дека нема намера да оди на паушални лидерски состаноци.
Тој вели дека СДСМ предлага закон кој што треба во иднина да ги штити криминалните структури. Повтори дека веќе имало една неуспешна лидерска среедба.
„Нема никаква дилема дека треба да се донесе европски закон, реформски закон за јавното обвинителство. Но, ова што денеска е предложено од страна на СДСМ практично претставува закон кој што треба во иднина да ги штити криминалните структури од СДСМ кои што ќе заминат во опозиција. Така што ако треба да се одржи средба колку ради реда, јас навистина немам намера да го губам времето ниту на господинот Заев, ниту на граѓаните“, вели Мицкоски.
Додаде дека неделава работните групи ќе имаат состанок и ќе разговараат, а доколку ги приближат ставовите, тогаш веќе би можеле да зборуваат за лидерска средба.
Еврокомесарот за соседска политика и проширување, Оливер Вархеји кој на 15 месецов ја посети Македонија, потенцираше дека приоритет треба да биде донесувањето на Законот за јавно обвинителство.