Победа за Трамп на изборите во САД може да доведе до глобална рецесија?
Објавено во: Свет 26 Август, 2016
Евентуален избор на Доналд Трамп за претседател на САД може да доведе до хаос на пазарите и зголемена политичка несигурност, кои од своја страна може да го поведат светот кон рецесија, предупредува инвестициската банка „Citigroup“, цитирана од „Bloomberg“.
„Победата на Трамп може да продолжи и евентуално да ја усложни несигурноста во поликата и да предизвика шок (иако најверојатно минлив) на финансиските пазари“, пишува тимот аналитичари, предводен од главниот економист на банката Вилем Баутер. „Се отежнуваат финансиските услови и дополнителното зголемување на несигурноста можат да предизвикаат значително забавување на американскиот, но и на глобалниот раст“, велат од „Citigroup“.
„Bloomberg“ потсетува дека Баутер предупредува за глобална рецесија речиси една година, иако порано го посочуваше како причина забавувањето на кинескиот раст.
„Победата на Трамп може да го намали глобалниот економски раст од околу 0,7-0,8 процентни поени“, пишува уште во анализата.
Основното сценарио на „Citigroup“ предвидува Хилари Клинтон да победи на претседателските избори. Екипата на Баутер освен тоа дозволува појава на против-ветрови пред економскиот раст кои доаѓаат од промени во политиките по изборите, без разлика кој од кандидатите добива.
„Изборите може да бидат проследени со голем фискален стимул, најверојатно договор за зголемување на трошоците за инфраструктура, додека компаниите ќе можат да репатрираат странски добивки по пониска цена (при администрација на Клинтон или Трамп) или поради значителни даночни олеснувања (поскоро кај Трамп)“, пишуваат уште економистите.