ПОБАРУВАЧКАТА РАСТЕ: Нафтата поскапува на светските пазари
Објавено во: Економија, Корона Вирус 18 Мај, 2020
Нафтата поскапува веќе три седмици.
Има раст на цената на нафтата откако голем број држави во светот почнаа да ги олабавуваат рестриктивните мерки поврзани со справување со коронавирусот.
Порасна и побарувачката за нафта, додека залихите направени изминатиот период почнаа да се „топат“.
На лондонскиот пазар за нафта цената за барел минатата недела скокна за 5,2 отсто, на 32,50 долари, додека на американскиот пазар барелот поскапи за скоро 20 проценти, на 29,43 долари.
Цената на нафтата претходно падна на најниско ниво за изминативе 20 години, затоа што поради корона кризата светската економија потона во рецесија, па остро падна и побарувачката за нафта.
На 15 мај, цената на „црното злато“ порасна на едномесечен максимум.