По еден хектар земја на Далечниот исток за Русите
Објавено во: Свет 22 Август, 2016
На 1 јуни стапи во сила закон според кој државјаните на Русија имаат право бесплатно да користат еден хектар земја на Далечниот исток.
Секој државјанин на Русија до 2017 година ќе може да добие еден хектар државно земјиште во федерален округ на Далечниот исток.
„Од октомври оваа година ќе се дели земја од целото подрачје, а не само од девет региони како претходно“ - изјави министерот за развој на Далечниот исток, Александар Галушка.
Граѓанинот кој ќе добие земја мора да почне да работи на неа во рок од пет години или истата ќе биде вратена на државата. Ако корисникот на земја биде успешен по пет години ќе може да го изнајми или откупи земјиштето.
Се даваат парцели во Јакутија, во Камчатскиот, Приморскиот, Хабаровскиот крај, во Амурската, Магаданската, Сахалинската област, како и во Еврејската автономна област и Чукотскиот автономен округ.