Париз и Москва договорија надомест за бродовите “Мистрал”
Објавено во: Свет 31 Јули, 2015
1.16 милијарди евра надоместок ќе и плати Париз на Москва за пропаднатиот договор за хеликоптероносачите "Мистрал".
Ова го соопшти БНР од Париз, повикувајќи се на информации на АФП. Франција престана со снабдувањето на бродовите поради воведените санкции против Русија.
Според анонимни извори преговорите меѓу рускиот вицепремиер Дмитриј Рогозин и францускиот генерален секретар за одбрана Луи Готје се завршени минатата недела со "конечен договор", што ќе се потпише деновиве.
Двете страни преговараат 8 месеци за тоа како да се реши ова прашање. Договорот од 2011 година беше за 1,2 милијарди евра и првиот хеликоптероносач требаше да биде доставен минатата есен.
Во меѓувреме финскиот министер за надворешни работи Тимо Соини изјави дека ЕУ "не треба да ги следи САД и да ги прошири санкциите спрема Русија". Тој истакнал дека сегашните казни се доволни.