Папата Франциск со остри осуди кон Доналд Трамп

Добивај вести на Viber

Папата Франциск ги стави под знак прашалник христијанските обедувања на кандидатот за претседател на Соединетите Американски Држави (САД) од редовите на Републиканската партија, Доналд Трамп, кој повикува на подигање на ѕид долж границата со Мексико, пренесува „Би-Би-Си“.

„Личност која размислува само на градење ѕидови, каде и да било, а не на градење мостови, не е христијанин“, изјавил папата пред крајот на неговата посета на Мексико.

Коментарот на папата Франциск се однесува на изјавите на Трамп на неговите јавни настапи, во кои како претседателски кандидат најавува и дава отворена поддршка на поставувањето ѕид на границата со Мексико, како и депортирање на речиси 11 милиони имигранти без документи.

Американскиот бизнисмен, пак, во обраќање на собир во сојузната држава Јужна Каролина, како одговор на коментарите на папата рекол дека „е срамно за еден верски лидер да ја преиспитува верата на друг човек“.

“Ниту еден лидер, особено верски, нема право да ја преиспитува религијата или верата на друг човек. Папата искажа негативни работи за мене, бидејќи мексиканците го убедиле дека Трамп не е добар човек“, пренесува „Би-Би-Си“ дел од изјавата на Трамп.

Инаку, американскиот претседателски кандидат во неколку наврати ја промовираше својата антибегалско-миграциона политика, отворено велејќи дека ниту еден бегалец нема да стапни во САД.

Претхондо пак, вниманието го привлече со контраверзниот предлог, во кој предложи да им се забрани влез на сите муслимани во американските земји.

Оваа политика на Трамо предизвика бура од реакции и осуди на социјалните мрежи, но од друга страна пак анкетите покажуваат дека републиканецот добива поддршка и на меѓународно ниво.