ПАНДЕМИЈАТА ГИ НАТЕРА ДА ШТЕДАТ: Белгијците се лидери, а Чесите не воделе сметка за парите
Објавено во: Економија, Корона Вирус 28 Јули, 2020
Европејците од почетокот на пандемијата трошат помалку и штедат повеќе.
Реалната потрошувачка на домаќинства по глава на жител во првиот квартал од 2020 година во земјите од еврозоната се намалила за три проценти, а во целата Европска унија за 2,9 проценти, објави Евростат.
Во истиот период имало зголемување на бруто расположливиот приход кај домаќинствата во еврозоната за 0,9 проценти, а на ниво на ЕУ за 1,2 проценти.
Во првиот квартал стапката на заштеда на домаќинствата во еврозоната и ЕУ се зголемила за 4,3 проценти во однос на четвртиот квартал од 2019 година.
Највеќе штеделе жителите на Белгија, Данска и Холандија, а најмалку во Полска, Шведска и Чешка.
Падот на индивидуалната потрошувачка во домаќинствата е најизразен во Италија, Шпанија и Белгија, а потоа следува и Франција.
Бруто расположливиот приход варирал, зголемувајќи се во Полска, Данска, Чешка, Ирска, Холандија и Финска, а се намалил во Шпанија, Италија, Португалија, Германија и Австрија.