ПАЃА ИНДУСТРИСКОТО ПРОИЗВОДСТВО: За ВМРО-ДПМНЕ виновна е власта
Објавено во: Економија 30 Септември, 2017
Според податоците на Државниот завод за статистика, индексот на индустриското производство во август 2017 година, во однос на август 2016 година, изнесува 94.7.
По сектори, индустриското производство во секторот Рударство и вадење на камен во август 2017 година, во однос на август 2016 година, бележи опаѓање од 6.1%, во секторот Преработувачка индустрија бележи опаѓање од 8.0%, а во секторот Снабдување со електрична енергија, гас, пареа и климатизација пораст од 28.1%.
Намалувањето во секторот Преработувачка индустрија е резултат, пред сѐ, на намаленото производство во следните оддели: Производство на прехранбени производи, Производство на тутунски производи, Производство на текстил, Производство на облека, Производство на производи од гума и производи од пластични маси, Производство на метали, Производство на машини и уреди, неспомeнати на друго место и Производство на моторни возила, приколки и полуприколки.
Според главните индустриски групи, производството во август 2017 година, во однос на август 2016 година, бележи пораст кај Енергија за 19.0%, додека опаѓање бележи кај Интермедијарни производи, освен енергија за 4.3%, Капитални производи за 12.4%, Трајни производи за широка потрошувачка за 8.7% и Нетрајни производи за широка потрошувачка за 8.0%. Индексот на индустриското производство во периодот јануари-август 2017 година, во однос на периодот јануари - август 2016 година, изнесува 99.9.
Претходно, индексот на индустриското производство во јули 2017 година, во однос на јули 2016 година, изнесуваше 97.8. Индексот на индустриското производство во јуни 2017 година, во однос на јуни 2016 година, изнесува 104.0.
Економската политика на СДС доживува тотално фијаско. Рецесијата е веќе реалност во Македонија, обвинија од ВМРО-ДПМНЕ.
„Индустриското производство тоне веќе трет месец по ред. Тоа што е најалармантно е дека станува збор за најдраматичното намалување на македонската економија“ - тврдат од ВМРО-ДПМНЕ.
Со ваквите поразителни економски индикатори државата економски пропаѓа, додаваат од ВМРО-ДПМНЕ.
Можеби ќе ве интересира
ЕКОНОМСКИ НАПРЕДОК: За две децении 10-те „нови членки“ на EУ го удвоија својот БДП
„Ќе забават инвестициите на германските компании во Македонија“: бизнис климата ја оценуваат како добра, но недостига стручен кадар
ФАКТОР АНАЛИЗА: Најголеми компании по добивка во Струмица - Панче Заев и Г'на дебитанти
ИЗМАЧУВАЧКО БАВНО ЗАКРЕПНУВАЊЕ: Европската комисија ја намали економската прогноза за Германија
Меѓународните туристи добиваат подобро искуство за патување со преференцијалните мерки на Кина
ЗА ДОБРА ГОЛТКА ВИНО СТРАНЦИТЕ НЕ ЖАЛАТ ПАРИ, „ТИКВЕШ“ СО ПРИХОД ОД НАД СЕДУМ МИЛИОНИ ЕВРА - еве колку е чистиот профит за три месеци
ФАКТОР АНАЛИЗА: Скопските ИТ компании доминираат со направените добивки кај програмерите
СЕ БЛИЖАТ ОДМОРИТЕ: Уживањето на плажа се плаќа на рати
АЗЕСКИ НА СРЕДБА СО РАКОВОДСТВОТО НА „КОСТАЛ ГРУПАЦИЈАТА“ ОД ГЕРМАНИЈА
