Падот на кинеските акции ја собори цената на нафтата
Објавено во: Свет 28 Јули, 2015
Цените на нафтата денес додатно потонаа, како последица на реакциите на инвеститорите на најголемиот дневен пад на вредноста на кинеските индекси во последните осум години. Цените на нафтата претходно паднаа вчера.
Американската „лесна“ нафта (WTI) во испорака во септември поефтини на Њујоршката берза 17 центи на 47,22 долари, додека нафтата од типот „брент“ за септемвриската испорака во Лондон поефтинила 30 центи на 53,17 долари.
Главниот индекс на Шангајската берза претрпе вчера најголем дневен пад на вредноста од почетокот на 2007 бидејќи на финансиските пазари Кина повторно почна огромна распродажба на акции и покрај настојувањата на тамошната влада да го смири пазарот. Шангајскиот композитен индекс ослабна 8,5 одсто на 3,725,56 поени , при што најголем пад на вредноста е евидентиран во последните саат време на тргување.
На цените на нафтата влиаје и долготрајната загриженост во врска со сериозни глобални залихи на нафта во светло на силното производство во САД и членки на Организацијата на земјите извознички на нафта (ОПЕК), на чело со Саудиска Арабија.