Оваа држава може да се претвори во даночен рај
Објавено во: Свет 15 Јануари, 2017
Една земја на стариот континент е на пат да стане даночен рај.
Со заминувањето од ЕУ, Британија може да се претвори во даночен рај на Европа, посочи министерот за финансии на земјата Филип Хамонд, цитиран од Independent.
Премиерот на земјата, Тереза Меј ќе ги сподели своите планови за Брегзит со парламентот во вторникот. Очекувањата во Лондон се дека таа ќе предупреди за можност за излегување од единствениот европски пазар, царинската унија и јурисдикцијата на Европскиот суд.
Велика Британија ќе се обиде да го ограничи и бројот на мигрантите од ЕУ во земјата.
Претходно Хамонд коментираше за германското издание Welt am Sonntag дека излегувањето од ЕУ и губењето на пристапот до единствениот пазар ќе доведе до загуби за економијата. Затоа и земјата може да премине кон мерки кои треба да ја задржат конкурентноста глобално. Една од нив е намалувањето на даноците.„Бидете сигурни дека ќе го направи она што е потребно"- рече уште тој на прашањето дали Велика Британија ќе стане даночен рај.
Ако земјата излезе од ЕУ без пристап до пазарот, ќе бидеме принудени да го промениме економскиот модел, дополни тој.
Хамонд ги коментира уште и плановите за ограничување на миграцијата, какви беа пораките на Британците за време на референдумот. Тој објасни дека во моментот Лондон нема никаква контрола врз политиката за миграција.