ОВА Е СЛЕДНАТА ЦЕЛ НА РУСИЈА - Фокусот се префрла на југоисточниот дел на Украина
Објавено во: Свет 04 Јули, 2022
Украинскиот претседател Володимир Зеленски призна дека украинските сили се повлекле од Лисичанск во Донбас, но најави дека армиските тактики и новото оружје ќе ја вратат контролата врз областа.
Украинските медиуми јавуваат дека е уништен магацин за муниција во окупираната Сњежне во источниот регион на Доњецк. ТВ Некта објави видео од настанот, но засега нема независна потврда.
Британското Министерство за одбрана ги објави најновите разузнавачки информации поврзани со војната во Украина.
„Украинските сили се повлекоа од Лисичанск, веројатно се вратија на подготвените одбранбени позиции. Руското Министерство за одбрана претходно тврдеше дека го завршило опкружувањето на Лисичанск и обезбедило целосна контрола врз градот. Борбите во и околу градот во областа Луганск се интензивираат изминативе седмици, а руските сили постојано напредуваат. Градот беше последниот преостанат главен центар на населението во регионот на Луганск кој е под контрола на Украина. Рускиот фокус сега речиси сигурно ќе се префрли на освојување на регионот Доњецк, главно контролиран од Украина“, велат Британците.
Latest Defence Intelligence update on the situation in Ukraine - 4 July 2022
— Ministry of Defence (@DefenceHQ) July 4, 2022
Find out more about the UK government's response: https://t.co/rihoxEds3Z
#StandWithUkraine pic.twitter.com/qH7DudnPCh