ОСМАНИ ОСТАНУВА НА СВОЈОТ СТАВ: Владата ќе одлучи за иднината на Отворен Балкан

Добивај вести на Viber

Владата ќе ги цени постапките на Србија и ќе одлучи за иднината на „Отворен Балкан“, вели шефот на дипломатијата и претседателски кандидат Бујар Османи. 

Тој изјави дека доверливите информации што ги има за случувањата на 24 септември во Бањскo, Косово, ќе ги предаде на Владата, која потоа треба да одлучи за судбината на иницијативата Отворен Балкан. Османи вели дека Владата треба да одлучи дали евентуалната вмешаност на Србија во терористичкиот напад од септември е во спротивност со принципите на Отворен Балкан како иницијатива која, според него, ја поддржуваат и Европа и САД.

„Доколку има директна инволвираност на Србија, тоа е во спротивност со еден од столбовите, оној на помирувањето. Бидејќи сум министер за надворешни работи на НАТО, имам дополнителни информации, ќе информирам на затворена седница на Владата и потоа Владата треба да оцени дали се коси однесувањето на државите по овие два принципа: помирување и меѓусебно почитување“, рече Османи.

Шефот на српската дипломатија, Ивица Дачиќ за македонскиот колега Бујар Османи вели дека е интересно што македонскиот претседател Стево Пендаровски не бил информиран за резолуцијата за Сребреница за која Османи рече дека државата ќе биде коспонзор. 

Во Отворен Балкан членуваат Македонија, Албанија и Србија. 

фото Фејсбук/Бујар Османи