Османи: Бучковски е додадена вредност во враќањето на довербата кај Софија
Објавено во: Македонија 02 Декември, 2020
Бујар ОСмани, министерот за надворешни работи, назначувањето на поранешниот премиер Владо Бучковски за специјален претставник на Македонија во односите со Бугарија го нарече „додадена вредност во враќањето ан довербата кај Софија“.
- Тој е добар познавач на односите со Бугарија, познавач на контекстот, кој може да биде дополнителен механизам и импулс за враќањето на довербата. Ќе ја координира комуникацијата со Бугарија. Тој е сериозна додадена вредност во враќањето на довербата, рече Османи на заедничката прес-конференција со Бучковски по средбата.
Владата го назначи поранешниот министер з аодбрана на оваа функција на синоќешната седница, а неговиот мандат ќе трае една година во услови кога Министерството за надворешни работи нема назначено постојан амбасадор во Софија.
- Создаваме низа механизми за да ја засилиме довербата во Договорот за добрососедство Работиме и на допонителни форми на акциски планови за ефикасност и имплементација на договрот. Не назначуваме техничко лице, туку поранешен премиер кој има остварено значаен придонес во односите на двете земји, додаде шефот на македонската дипломатија.
Бучковски пред новинарите рече дека очекува за една година, колку што трае неговиот мандат, да се решат отворените прашања, но и дека не очекува чуда за една недела кога Советот на министри на ЕУ одлучува за доделување на датум за преговори.
- Довербата која ја имам стекнато во бугарската јавност е јасен сигнал за мојата посветеност. Со задоволство го прифатив предизвикот бидејќи сум убеден дека можеме да дојдеме до решение, но и да го зачуваме нашето достоинство.Не знаеме дали ќе се случи чудо за една недела, но треба да се бориме до последен моментот., рече Бучковски.
Професорот рече дека со Бугарија ќе се преговара и за инфраструктурните капитални проекти, соработката во образованието, културата и медиумите. Тој додаде дека Софија очекува околностите кои се случија во последните два месеци да вродат резултат, но им порача и на бугарските политичари да не ги испраќаат пораките преку медиумите.