Добивај вести на Viber
Болницата „8 Септември“ доби нова опрема од 700 илјади евра од кои само за лабораторијата потрошени се 300 илјади евра, а остатокот за ехо апарати. Промоцијата денеска ја направи премиерот Никола Груевски, кој нагласи дека владата инвестира над 100 милиони евра во здравството. Премиерот информираше и дека лабораторијата е составена од повеќе делови и апарати сите за различна функција, а беше прецизен и во однос на брзината на анализите кои ќе се прават овде.
„Некои даваат резултати за половина минута, некои за минута, најдолго ќе се чека за резултат 45 минути. Еден апарат ќе прави 800 примероци за 45 минути. Оваа најсовремена опрема се става во функција на сите граѓани коишто ќе побараат помош. Втората група на апарати се ехо-апаратите. Еден од нив, во овој момент е единствен од таков вид на Балканот“, изјави премиерот.
Беше најавено дека се чека во болницата да дојдат и осум лекари од САД што ќе ги обучуваат македонските колеги македонските колеги, а министерот за здравство Никола Тодоров посочи и дека кадровски болницата е зајакната со 70 нови вработувања.
„Имаме 15 преземања на специјалисти, вкупно, од приватно во јавно здравство, овде во новата градска болница, што овозможува најголем дел од амбулантските кабинети, пет дена да имаат две смени, пректично уште повеќе да се растерети гужвата“, изјави министерот.