Оланд бара реализирање на договорот меѓу ЕУ и Турција
Објавено во: Свет 17 Мај, 2016
За францускиот претседател, Франсоа Оланд договорот меѓу Европската унија и Турција за регулирање на приливот на бегалците е неопходен, коректен и треба да се реализира.
Вели дека тој лично заедно со германската канцеларка, Ангела Меркел ќе го надгледуваат исполнувањето на условите од договорот.
„Тоа е фер договор кој ќе и овозможи на Турција да ги задржи на својата територија бегалците, наместо да доаѓаат тука. Ќе им овозможи да им бидат понудени пристојни услови за живот. Покрај тоа ќе им овозможи на оние кои имаат право на азил да бидат пренесени во Европа. Јас не се согласувам со одлуките на господинот Ердоган, но има потпишано договор со Турција и овој договор треба да се спроведува строго. Сите договорени услови треба да бидат исполнети“ - изјави Оланд.
Договорот меѓу ЕУ и Турција содржи јасни услови и дека финансиската помош која е ветена на Анкара може да биде исплатена само ако условите бидат исполнети.
Тој додава дека за ЕУ, Турција е соседна земја, каде има 2,5 милиони бегалци, од кои многумина со голем ризик се обиделе да стигнат во Грција.
Според Оланд, приливот на мигранти најмногу ги погоди Германија, Австрија и Швајцарија.