Од „Беса транс“ велат дека автобусот не шверцувал гориво
Објавено во: Македонија 24 Ноември, 2021
Компанијата „Беса транс“ демантира дека со aвтобусот кој направи сообраќајка во Бугарија се шверцувало гориво или пиротехнички средства.
Тие објаснуваат дека во него немало ниту резервно гориво.
„Како агенција ја известуваме целата јавност, семејствата на загинатите и повредените во трагичниот случај, дека автобусот на ниту еден начин немал багаж за шверц на бензин, нафта или пиротехнички средства. Сите овие шпекулации служат за злонамерни цели обидувајќи се одредени страни да преземат предност на трагедијата, вкупниот капацитет на автобусот бил 450-500 литри дизел за користење на самиот автобус, а во никој случај немало резерва за шверцерски цели. Уште еднаш ги замолуваме медиумите да не ја користат оваа дезинформација за уште повеќе да ги повредуваат членовите на семејствата, но и станува пречка за истражниот процес кој и официјално беше објавен“, велат од таму.
Во несреќата загинаа 45 луѓе, а 7 се повредени. Компанијата ќе остане без лиценцата.