Обама заминува на историска посета на Куба во март

Добивај вести на Viber

Претседателот на САД Барак Обама ќе ја посети Куба во текот на следните недели, како дел од турнејата во Латинска Америка, пишува БиБиСи.

Тој ќе биде само вториот американски претседател кој го посетил островот за време на својот мандат, по Калвин Кулдидж во 1928 година.

Вашингтон и Хавана ги обновија дипломатските односи минатиот јули и САД ги тргнаа туристичките и трговски санкции кон островската држава за прв пат после 54 години.

Републиканската партија ја критикуваше планираната посета, велејќи дека такво нешто не треба да се остварува, додека презимето Кастро управува со Куба.

Кандидатите за следен претседател на републиканците Марко Рубио и Тед Круз, кои се синови на кубански имигранти, исто така, се категорични дека посетата е грешка.

Според Рубио посетата не треба да се случува, додека Куба не е слободна, а Круз смета дека Обама ќе ја игра улогата на „застапник“, пренесе OFFNews.

Во декември Обама соопшти дека сака да се сретне со политички дисиденти во Хавана, за да ја „поттурне“ кубанската Влада во нова насока.

Тогаш од кабинетот на претседателот Раул Кастро ја поздравија идејата за посета, но во исто време истакнаа дека Обама не треба да се меша во внатрешните работи на земјата.

Посетата ќе се совпадне со потпишувањето на примирје меѓу владата и бунтовниците во Хавана на 23 март, со што ќе се прекине граѓанската војна во земјата.

Во вторникот САД и Куба потпишаа договор, со што се обновуваат директните летови меѓу двете земји за прв пат во последниве 50 години, иако републиканското мнозинство во Конгресот го блокира обидот на Обама да го укине целосно трговското ембарго на Хавана, кое ја ограничува трговијата и не овозможува на американски туристи да го посетуваат островот.