Обама пристигна во Кенија
Објавено во: Свет 24 Јули, 2015
Претседателот на САД, Барак Обама пристигнал вечерва во Кенија, која е татковината на неговиот татко, пренесоа агенциите.
Ова е прва посета на Обама во земјата по неговиот избор за претседател.
Тој ќе учествува на конференција за развојот на претприемништвото во Африка.
Заедно со бизнисот и инвестициите ќе бидат дискутирани и безбедноста и борбата против тероризмот.
Форумот ќе се одржи во Најроби.
Се очекува Обама да се сретне со своите роднини во Кенија. Набљудувачите коментираат дека за него ова патување е враќање кон корените.
По Кенија американскиот претседател ќе ја посети Етиопија.