Добивај вести на Viber
Ако Конгресот на САД не гласа зголемување на горната граница за долгот, може да бидеме сведоци на нова финансиска криза . Такво предупредување упати вчера американскиот претседател Барак Обама, пренесе ИТАР -ТАСС .
„Ако Конгресот не го зголеми износот на лимитот на државниот долг , може да дојде нова финансиска криза " , изјави шефот на Белата куќа, за време на посетата на фабриката за автомобили на Ford во Либерти , Мисури .
Можноста за нефункционалност за исполнување на државните обврски може да дојде кон крајот на октомври . Во 2011 година сложените преговори за зголемување на прагот на долгот меѓу владејачката Демократска партија и опозициската Републиканска партија речиси го доведоа Вашингтон пред банкрот . Тогаш проблемот беше решен во последен момент по значителни отстапки и од двете страни .
За време на изјавата во Мисури, Обама повика Конгресот да гласа што е можно побрзо за буџетот за фискалната 2014 година , која почнува на 1 октомври .
„Ако Конгресот не успее да го стори тоа во рамките на следните десет дена , работата на владата ќе биде блокирана " , предупреди претседателот .
Претходно во петокот претставничкиот дом на САД гласаше против предложената, од администрацијата на Обама, распределба на средствата за финансирање на реформите во здравството. Сепак експертите посочуваат дека позицијата на републиканците има повеќе симболична вредност , бидејќи контролиран од демократите, Сенатот нема да дозволи усвојување на документот во овој вид . Преку овој чин сепак републиканците упатија уште еден политички сигнал до Белата куќа дека преговорите за одобрување на новиот буџет нема да бидат лесни .