Нови 1700 мигранти се обиделе нелегално да минат низ тунелот под Ла Манш
Објавено во: Свет 03 Август, 2015
Во Францускиот град Кале околу 1 700 мигранти се обиделе во текот на ноќта да влезат во тунелт под Ла Манш, за да стигнат до Англија. Тоа го објавија извори од француската полиција, цитирани од „Франс прес“.
Од 1 700 мигранти кои се обиделе околу 1000 се „одбиени“ од властите, а 700-те се запрени во регионот на Ла Манш, додадоа од полицијата.
Еден полицаец добил повреди на лицето, откако бил погоден со камен од суданец кој е уапсен. Полицаецот е примен во болница.
1 700-те мигранти претставуваат голем пораст во споредба со последните ноќи кога се регистрирани неколку стотици.
Минатата недела избувна хаос во градот Кале, откако повеќе од 2.000 лица се обиделе да преминат преку изречената стража во Евротунел. Дури еден човек загинал - суданец на околу 30 години, кој бил турнат од камион.
Најмалку 10 лица загинаа од јуни. Околу 120 дополнителни полицајци се распоредени во градот Кале.
Претходно оваа недела британската влада вети дека ќе одвои 10 милиони евра за подобрување на оградaта околу железничкиот терминал на Евротунел до градот Кале.