Нова канцеларија на соработката Долна Нормандија-Македонија
Објавено во: Мои пари 24 Април, 2015
На 25 април во Скопје ќе се отвори новата Канцеларија за децентрализирана соработка Долна Нормандија – Македонија. Канцеларијата ќе биде отворена од страна на г. Лоран Бове, Претседател на Регионот Долна Нормандија и г-ѓа Лоренс Оер, Амбасадорка на Р. Франција во Македонија.
Отворањето ќе се одржи во сабота, на 25 април во 12.30 часот во Канцеларијата за децентрализирана соработка Долна Нормандија – Македонија на адреса: Бул. Партизански одреди 43б / 5, 1000 Скопје.
Канцеларијата за децентрализирана соработка Долна Нормандија – Македонија е координативно тело на соработката помеѓу овој француски регион и Македонија. Таа има значајна улога во поврзување на партнери од двете територии и развивање на заеднички проекти. Оваа година се одбележуваат 10 години од почетокот на оваа соработка. До сега во рамките на соработката се реализирани над 100 размени, проекти и партнерства помеѓу општини, здруженија на граѓани, културни и образовни институции.
Институционални партнери на програмата за соработка се Министерството за локална самоуправа на Македонија и Регионот Долна Нормандија. Соработката е поддржана од Француското министерство за надворешни работи на Франција и Француската амбасада во Македонија. Програмата е координирана од страна на Асоцијацијата на агенции за локална демократија (АЛДА).
Канцеларијата на соработката во Скопје претставува и локална канцеларија на АЛДА. Оваа европска мрежа на локални власти и здруженија на граѓани има седишта во 5 европски земји меѓу кои и Скопје. Локалната канцеларија во Скопје дава значаен придонес за промоција на меѓународната соработка на македонските општини.
Можеби ќе ве интересира
Промоција на „Шарени ириси“ – новата хибридна инклузивна сликовница во издание на „Арс Ламина“
ЖИМ Коскоска се врати на тронот, ИМ Тони Лазов првпат до титулата
РЕС е најголем снабдувач со струја на слободниот пазар, објави Регулаторната комисија за енергетика
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
