Нов пожар во зоната околу Чернобил
Објавено во: Свет 02 Септември, 2015
Во забранетата зона околу нуклеарна централа Чернобил повторно избувнало пожар, соопштија од службата за вонредни ситуации на Украина.
Не се наведува точното место на пожарот, но се забележува дека ситуацијата е под контрола.
Претходниот голем пожар во 30-километарската забранета зона околу нуклеарна централа Чернобил беше на 9 август, во реонот меѓу поранешните села Варовичи и Ковшиловка. Тогаш се запали сува трева и дрвена маса на вкупна површина од околу 32 хектари. Пожарот беше локализиран на 14 август. Премиерот на Украина, Арсениј Јаценјук не ja исклучи можноста пожарот да е подметнат и испрати дополнителни сили од Националната гарда за безбедност на забранетата зона околу Чернобил.
Во друг голем пожар во Чернобил на 1 јули Државниот инспекторат за нуклеарно регулирање на Украина регистрира надминување на нормалното ниво на радијација позадина.