НОВ ИНЦИДЕНТ СО АВИОНИТЕ НА „БОИНГ“ - при полетување отпадна капакот на моторот (ВИДЕО)

Добивај вести на Viber

Капакот на моторот на Боинг 737-800 на американската компанија „Саутвест ерлајнс“ паднал во неделата при полетување од аеродромот во Денвер и удрил во крилото, поради што американската Федерална управа за цивилно воздухопловство (ФАА) покрена истрага .

Никој не е повреден на летот 3695 Southwest, а авионот безбедно се вратил на аеродромот, објави Ројтерс.

Авионот требало да лета за Хјустон, а во него имало 135 патници и шест членови на екипажот. Боингот се искачи на височина од 3.100 метри, а потоа се врати во Денвер 25 минути по полетувањето.

- За време на полетувањето во Денвер, капакот на моторот падна од авион Боинг и удри во крилото - соопштија официјални лица, во последниот безбедносен инцидент во кој учествуваше американскиот производител на авиони.

Додека Федералната управа за авијација објави дека авионот Боинг 737-800 на Southwest Airlines, кој требаше да лета за Хјустон, безбедно се врати на пистата по инцидентот.

Саутвест ерлајнс соопшти дека патниците биле префрлени во друг авион.

- Се извинуваме за непријатностите предизвикани од доцнењето, но највисок приоритет го ставаме на крајната безбедност на клиентите и вработените. Нашите тимови за одржување го проверуваат авионот - се вели во соопштението на компанијата.

На видеото објавено на социјалните мрежи се гледа како вратичката се отвора додека авионот се движел по пистата, пред да падне.

Во аудиото за контрола на летање добиено од радиодифузерот KHOU во Хјустон, може да се слушне контролен офицер како алармира и му кажува на авионот да се врати на земја.

„Се чини дека виси дел од капакот на моторот“, рече службеникот.

Боинг одби да го коментира инцидентот, упатувајќи ги новинарите своите прашања да ги достават до Southwest Airlines.

Scary moments for passengers on a Southwest flight from Denver to Houston when the engine cover ripped off during flight , forcing the plane to return to Denver Sunday morning. pic.twitter.com/BBpCBXpTsl

— Sam Sweeney (@SweeneyABC) April 7, 2024

Низа сериозни инциденти

Боинг, кој доминира на пазарот на комерцијални авиони заедно со Ербас, се најде под лупа на светската јавнсота, откако се појавија безбедносни пропусти по смртоносните несреќи со Боинг 737 MAX во 2018 и 2019 година, како и низа помалку сериозни неодамнешни инциденти.

Минатата недела, авион 737-800 го прекина полетувањето од аеродромот Лубок Престон Смит во Тексас, откако екипажот пријави проблеми со моторот.

Во јануари, таблата на вратата на Боинг 737 МАКС управувана од Алјаска ерлајнс експлодираше на лет.

Во прелиминарниот извештај на Националниот одбор за безбедност на транспортот на САД се вели дека се пронајдени докази кои сугерираат дека недостасуваат четири клучни завртки дизајнирани да ја држат вратата на место.

Минатиот месец, десетици луѓе беа повредени кога авион Боинг на пат од Австралија за Нов Зеланд доживеа, како што изјавија претставниците на компанијата како „силно превртување“ поради технички дефект.

Пожар на мотор истиот месец го принуди Боинг 737 принудно да слета во Хјустон веднаш по полетувањето.