Нема земја за сиромашни - Палау ги вика само богатите туристи
Објавено во: Свет 15 Јануари, 2017
Пацифичката земја Палау има природни богатства, но не сака секој да ги гледа.
Претседателот Томи Ременгесо планира да донесе закон со кој ќе се овозможи да се градат само хотели со 5 ѕвезди.
Тоа значи дека во оваа земја ќе одмораат само најбогатите.
Претседателот вели дека оваа земја има богатства и масовниот туризам е штетен. Државата ја сочинуваат 250 острови, а претседателот сака да посвети внимание на квалитетот, а не на квантитетот.
„Има вистински и правилни начини да направите некои работи. Најатрактивните места на светот потполно се стопени со природата“ - вели тој.
Во последните години неколку пати е зголемен бројот на туристи, а сега посетителите трошат повеќе пари од порано откако се ограничени чартер летовите од Кина.