Нефи Усеини и брат му ослободени од притвор со гаранција од недвижен имот
Објавено во: Македонија 11 Септември, 2020
Нефи Усеини, советникот на ДУИ во Општина Охрид, и неговиот брат се пуштени од охридскиот притвор да се бранат од слобода по поднесена гаранција од 850.000 евра
Претседателот на Основниот суд Охрид, Васил Баткоски, за „Фокус“ потврди дека доцна попладне во текот на вчерашниот ден тие се пуштени, откако првичноп им беше одреден притвор од осум дена и истиот во меѓувреме беше продолжен со решение од битолска Апелација.
Гаранцијата се состои од недвижен имот, а овој пат Јавното обвинителство одговорило позитивно и се согласило со понудената гаранција, откако претходно се пожали на одлуката на Охридскиот суд да им го укине притворот.
Нефи и неговиот брат се обвинети за нападот врз охриѓанецот, Спирко Топаловски, а судското рочиште е закажано за 20 септември.