НЕ СЕ ПОЗНАВАМ ЛИЧНО НО ЌЕ ИНИЦИРАМ СОСТАНОК СО БЕКИМ САЛИ: Филипче на новиот министер му порача да биде секогаш достапен за новинарите
Објавено во: Македонија 22 Декември, 2021
Министерот за
здравство Венко Филипче по денешниот настан на Клиниката за ортопедија истакна
дека во наредните денови најверојатно ќе се сретне со неговиот наследник Беким
Сали кој доаѓа на оваа позиција по договорот со Алтернатива. Рече дека со него
не се познава лично, но дека ќе иницира состанок за да му ги пренесе
искуствата.
-Со Беким Сали не се познавам лично, но сакам да иницирам состанок и тоа ќе се случи најверојатно во следните денови. Мојата порака до Сали е да биде транспарентен и секогаш достапен за медиумите, рече Филипче.
Министерот кој е во заминување нагласи дека е посебно горд на тимскиот дух кој доведе до успешно завршување на многу проекти во здравствениот сектор.
-Горд сум на сите порцеси кои се одвиваа инклузивно, навистна сум горд на големата помош на премиерот Заев што интервениравме за да се зголемат примањата на здравствените работници. Горд сум што ниту еден пациент со ретка болест не остана без лек и што го укинавме паралелниот увоз на лекови. Посебно сум горд сум на тимскиот дух, нагласи Филипче.
Жали, како што рече, што воопшто не започна проектот за нов клинички центар, кој е од особена важност за граѓаните.
-Современата медицина подразбира една нова инфраструктура. Дел од најсовремените апарати едноставно не може да се внесат во малите операциони сали. Апелирам до опозицијата да го одблокира овој закон кој е одличен и секако е во насока за доброто на граѓаните, истакна министерот Филипче.
А. Б.