Наташа Петровска за Меѓународниот сојуз на Боки 13: Не се најдовме заеднички во таа приказна

Добивај вести на Viber

Наташа Петровска, градоначалничката на Битола, која уште во јули беше една од првите повикани што дадоа исказ по апсењето на Бојан Јовановски и Зоран Милевски, осомничени во случајот „Рекет“, за ТВ ТЕРА вели дека не подлежи на никакви притисоци и дека општината не се нашла во заедничка приказна со Меѓународниот сојуз на Боки 13.

.- Она што го имав да го кажам, го кажав до соодветните инстанци и кажав дека неможам да кажам ништо повеќе заради процесот на кој што се одвива. Факт е дека воопшто и на Битола она што го имавме како наша перцепција и наше видување во поглед на она што од другата стрна беше понудено како перцепција за постигнување на некои услуги социјални, едноставно не се најдовме заеднички во сета таа приказна, а општина Битола секако продолжува да ги третира тие проблеми кои што ги тангираат ранливите категории на граѓани онака како што чини по своите политики, вели Петровска

Таа демантираше дека имала закани и притисоци со отворањето на случајот „Рекет“ во чии рамки се води и истрага за работењето на Меѓународниот сојуз на Боки 13.

- Јас не сум особа која што дозволува да има посебни притисоци. Прашањето на притисок е исто така прашање на перцепција. Дали некој има поголем или помал притисок, зависи од личноста.Затоа што е нешто немерливо и не би сакала да го категоризирам воопшто, рече Петровска.