Населението во Германија порасна рекордно поради бегалците
Објавено во: Свет 27 Јануари, 2017
Населението во Германија било 82,8 милиони луѓе кон крајот на 2016 година, рекорд во историјата на земјата.
Причината е приливот на бегалци, соопшти Федералната статистичка служба, цитирана од ДПА.
Агенцијата забележува дека досегашниот рекорд од 82,5 милиони луѓе датира од 2002 година.
Ако не беше бегалскиот бран во 2016 година, кога пристигнаа околу 750 000 лица, населението на Германија би требало да се намали, велат статистичарите.
За да нема пад на населението, секоја жена во Германија би требало да раѓа во просек по 2,1 деца. Наталитетот во земјата сепак е далеку под овој показател.
Минатата година бројот на починатите го надмина оној на новороденчињата со 150 000 и 190 000.
Почетокот на мрачниот тренд во Германија почнал уште во 1972 година, наведува Ројтерс. Бројот на починатите вкупно за периодот го надминува оној на новороденчињата со над 5 милиони.
Ројтерс наведува дека од почетокот на должничката криза во еврозоната Германија привлекува многу мигранти не само од Блискиот Исток и Африка, но и од други европски земји, како Грција и Шпанија.
Стабилниот економски раст по 2010 година и политиката за поттикнување на наталитетот од германските влади во последниве години доведоа до некое покачување на наталитетот, но тој останува многу помал од смртноста.