Најчевска по откриената „Јавна соба“ предлага воведување предмет сексуално образование во школите
Објавено во: Македонија 27 Јануари, 2020
“Во врска со затворена група на „Телеграм“ во која средношколци споделуваат експлицитни фотографии од свои врсници, Бирото за јавна безбедност веднаш започна истрага за мотивите и целите на формирање на оваа група.“
А јас ете се прашувам, остана ли еден нормален човек во земјава? Ќе ги откривале мотивите за споделување и ширење на фотографии на гениталии од страна на деца. Ма не ме зезај.
1. Сесуалноста и сексот се исклучително важна тема за децата (како и да ги гледате тие се сексуални битија). И тоа е многу силен мотив за формирање на ваква страна и толкав интерес за неа. Тоа е облик на истражување и откривање на границите на дозволеното и пркосење на светот на возрасните.
2. Децата не се раѓаат со сознанија за тоа што е меѓучовечка комуникација, почитување на другиот, почитување на приватноста, емпатија. Тоа се учи. По дома и во училиште. Изгледа не сте ги научиле.
3. Се додека не воведете во училиштата предмет сексуално образование и не почнете отворено да разговарате со децата за тоа што ги интересира од областа на сексуалноста, нема да може да се адресира проблемот на ваков вид вознемирување.
4. Она што им прилега на децата не им прилега на возрасните. Некои работи треба да се погледнат од една поинаква (тинејџерска) перспектива. И така да се оценуваат. А не со моралистичко припаѓање во несвест.“
Фејсбук статус-Мирјана Најчевска