НА СВЕТСКО НИВО ХРАНАТА ПОЕВТИНИ: Но, една намирница уште „држи цена“

Добивај вести на Viber

На светско ниво храната поевтини. 

Цените на храната во светот се намалени во октомври во споредба со претходниот месец, затоа што сите прехранбени производи беа поевтини, освен житарките.

Индексот на цените на Организацијата за храна и земјоделство (ФАО), која мери месечни промени во цената на кошницата на производи (житарици, маслодајни растенија, млечни производи, месо и шеќер), минатиот месец изнесуваше 176,4 поени, што е за 1,3% помалку во однос на септември.

Пазарот на житарките, во 2017/2018 година, би требал да остане ист, а глобалното производство треба да ја надмине рекордната реколта на жетвата од минатогодишниот рекорд, достигнувајќи 2,61 милијарди тони, објави Организацијата на Обединетите нации за храна и земјоделство (ФАО).

Цените на храната и натаму се за 2,5% повисоки отколку во октомври минатата година, но тие се за 27% пониски од рекордното ниво во февруари 2011 година. 

Претходно, глобалните цени на храната во октомври 2015 година значително пораснаа, поради загриженостa дека климатскиот феномен „Ел Нињо“ ќе изврши притисок на залихите на одделни намирници. 

Светските цени на храната пред девет месеци  го достигнаа речиси двегодишниот максимум, потпомогнати од растот на цената на шеќерот и извозните цени на житарките и растителните масла.