НА РЕВИЗОРИТЕ НЕ ИМ СЕ ЗБОРУВА МНОГУ ЗА ЈАНЕВА - велат, прашајте во Обвинителството
Објавено во: Македонија 04 Јуни, 2020
На Државниот завод за ревизија не му се зборува многу за вчерашниот случај со екс специјалната обвинитека Катица јанева, кога таа на состанок кај нив почнала да се однесува дрско и непристојно, а ја соблекла и облеката. Таа заработи и прекршочна пријава за нарушување на јавниот ред и мир.
Според пријавата во Министерството за внатрешни работи, Јанева останала да присуствува во салата по долна облека во присуство на повеќе лица и одбила да даде изјава во врска со настанот. Претходно, таа од нејзиниот дом била спроведена во Државниот завод за ревизија со цел да се направи ревизија на работењето на СЈО.
Фактор го праша ДЗР со која цел била повикана вчера во ДЗР Јанева, зошто во просториите на ДЗР требало да се одржи таков состанок? Какви наоди биле презентирани, што требало да утврди ДЗР? Согласно тврдењето на адвокатите на Јанева, била повредена процедурата, па прашавме дали била запазена процедурата, односно дали Јанева била повикана со покана, или со судска наредба, и ако била повикана со судска наредба, зошто било така направено? Дали на Јанева и бил овозможен адокат уште од самиот старт на испитувањето, и ако и не и бил, зошто не и бил овозможен? Дали Јанева барала да дојде и лице од кај Народниот правобранител, дали тоа и било овозможено, и ако не, зошто? Дали тој состанок со Јанева се смета за завршен, дали ДЗР дојде до потребните наоди, или не, и ако не, дали тој состанок ќе продолжи и кога? Што е она што треба да се утврди од испрашувањето на Јанева, и зошто е тоа битно? Зошто дојде до ситуацијата екс обвинителката до толку да се изнервира за да направи таков чин, односно да почне да се соблекува? Дали некој ќе има одговорност можеби за груб однос или незапазување на процедура? А се интересиравме и дали може да ни дадат повеќе детали околу самиот настсан.Од ДЗР за фактор одговорија само дека Г-ѓа Катиоца јанева била повикана таму во својство на одговорно лице во СЈО, во врска со извршената ревизија на усогласерност, согласно годишна програма за работа на ДЗР за 2020 година, а за потребите на одржување на завршен состанок.
„Во контекст на одржувањето на состанокот од страна на ДЗР беа почитувани сите методолошки упатства и ревизорски стандарди. Со оглед дека вршењето на ревизијата за која прашувате е направена по барање на основното јавно обвинителство на РСМ, ве упатуваме за другите прашања да се обратите до нив“, се вели во штуриот одговор од ДЗР, каде не се одговорени многу од нашите поставени прашања.
Н.Н.Ф.