Голема полноќна забава во ноќниот клуб Сектор 909
Музичката продукциска куќа „Баланс“ прославува 17 години
Објавено во: Мои пари 14 Јули, 2017
Вечерва, во летниот ноќен клуб Сектор по повод 17 години од постењето на музичката продукциска куќа „Баланс“ организаторите најавуваат голема полноќна забава. Познатите диџеи Самоил Радински, Александар Мискоски, Маци, Оги и Томи Бојаџи ќе ја дообојат оваа вечер со своите диџеј сетови.
Промотерската куќа „Баланс“ е формирана уште во 1999 година под палката на Огнен Узуновски – Оги заедно со Самоил Радински, Иван Тодоровски и Смилен Димитров. Со самото тоа, оваа група поклоници на современиот електро бит почнаа да исцртуваат нови линии на македонската електронска сцена. Првата забава на „Баланс“ се случи во 2000 година со настапот на реномираниот детроитски диџеј Дерик Меј.
Наедно, Баланс ја издаде на македонски и книгата на Лорен Гарние во 2007 година, која говори за севкупата светска електронска сцена изминативе 30 години.
Несомнено, продукциската куќа Баланс ќе остане забележана во македонската музичка историја, бидејќи Баланс беше предзнак за многу успешни проекти кои досега се реализираа.
„Баланс е нешто најпозитивно што ми се има случено во животот, затоа што ми го покажа вистинскиот пат и ми исполни дури и некои желби, кои тогаш сум мислел дека се невозможни“ вели Оги.