МОНТАЖНАТА БОЛНИЦА НА ПУЛМОЛОГИЈА Е ГОТОВА: Амбулантите за пациенти ќе профункционираат во август
Објавено во: Македонија 30 Јули, 2020
Четири
амбуланти и кабинети со спирометрија, кабинети за дифузија и бодиплетизмографија, како и за бронхијална провокација и за
алерголошки тестирања и за ЕКГ се
сместени во новата монтажна болница на Клиниката за пулмологија и алергологија.
Објектот е завршен, се чека уште во текот на наредниот период да се опреми со инвентар и со друга немедицинска опрема. Министерот за здравство, Венко Филипче, објави дека во рекордно време е завршено со поставувањето на новиот монтажен објект на на оваа клиника.
- Поставени се четири амбуланти, кабинети и две засебни простории за дневни болници за сместување амбулантските пациенти. Интензивно работиме и на доопремување на модуларната амбуланта со медицинска и немедицинска опрема. Во есенските месеци, бројот на пациенти со белодробни заболувања се зголемува и поради тоа пациентите кои имаат било каква белодробна симптоматологија целосно ги одделуваме од сите други пациенти. Монтажната амбуланта е исклучително важна во наредниот период и ги исполнува најсовремените стандарди за работа, пишува министерот во објавата на Фејсбук.