Могерини: Договорот со Иран може да помогне за решавање на кризите
Објавено во: Свет 20 Јули, 2015
Договорот меѓу „шесторката“ и Иран може да ја врати довербата меѓу соседите и да помогне за решавање на регионалните кризи, главно во Сирија и во Јемен.
Ова го изјавила шефот на надворешната политика на ЕУ, Федерика Могерини пред новинарите пред почетокот на седницата на министрите за надворешни работи на Унијата.
Според неа иранските аранжмани пред се се однесуваат на неширење на оружјето за масовно уништување, што ќе придонесе за безбедноста во регионот, безбедност за соседите и безбедност како целина за целиот свет.
Таа е убедена дека договорот демонстрира ефикасност на мултилатерална дипломатија.
Договорот може да доведе до враќање на довербата меѓу Иран и неговите соседи, меѓу Иран и меѓународната заедница. Овој договор не се заснова на доверба, но може да доведе до доверба, изјавила Могерини и додала дека ЕУ е подготвена да ја одигра својата улога во обновата на довербата во регионот.
Шефицата на надворешната политика, смета дека позитивните последици можат да помогнат за решавање на кризите во регионот, главно во Сирија и Јемен.
Денес се очекува Советот за безбедност на ОН да усвои резолуција, која ќе ја одобри и склучи на 14 јули со историски договор меѓу Иран и САД, Русија, Кина, Франција, Велика Британија, Германија.